საიას რეკომენდაციები პოლიტიკური პარტიებს და კანდიდატებს

შეხვედრა ახალციხეში, დემოკრატიული ჩართულობის ცენტრის ორგანიზებით ჩატარდა. მას მაჟორიტარობისა და მერობის კანდიდატები სამცხე–ჯავახეთის ექვსივე მუნიციპალიტეტიდან ესწრებოდნენ.

„იმ გამოწვევებზე ვისაუბრეთ, რომელიც წინასაარჩევნო პერიოდში არსებობს პოლიტიკური პარტიების წინაშე. გავნვიხილეთ ის რეკომენდაციები, რომელიც წინა საპარლამენტო და საპრეზიდენტო არჩევნების დროს იყო გამოკვეთილი საკანონმდებლო თვალსაზრისით“, – განაცხადა შეხვედრაზე საიას გორის ოფისის ხელმძღვანელმა ქეთი ბებიაშვილმა.

მაჟორიტარი დეპუტატობის და მერობის კანდიდატებმა იმ დარღვევებზე ისაუბრეს, რომელიც წინასაარჩევნო აგიტაციის დროს და არჩევნების დღეს ხდება ხოლმე.

ქეთი ბებიაშვილის განმარტებით, წინასაარჩევნო აგიტაციის დროს დარღვევების დროს მნიშვნელოვანია ეფექტურად იყოს გამოძიებული ის ფაქტები, რომელიც ამ პერიოდის განმავლობაში დაფიქსირდება.

„საჭიროა საკანონმდებლო ცვლილები იმისათვის, რომ სამართალდამცავი ორგანოების მხრიდან უფრო ეფექტურად იყოს გამოძიებული ის ფაქტები, რომელიც წინასაარჩევნო პერიოდში იქნება დაფიქსირებული. მათ შორის მნიშვნელოვანია სწორი კვალიფიკაციის მიცემა ჩადენილი დანაშაულების, როდესაც საკითხი ეხება პოლიტიკური ნიშნით დისრკიმინაციას“, – განმარტა შეხვედრაზე ქეთი ბებიაშვილმა.





[თინათინ ზაზაძე, ახალციხე]