საია–მ ახალციხეში წინასაარჩევნო მონიტორინგის შედეგები წარადგინა

ახალგაზრდა იურისტთა ასოციაციის გორის ოფისის ხელმძღვანელის ქეთი ბებიაშვილის თქმით, წინააარჩევნო პერიოდში პრობლემები ძირითადად საოლქო საარჩევნო კომისიებში საუბნო საარჩევნო კომისიების დაკომპლექტებისას შეიქმნა. ასევე, პრობლემები შეიქმნა უწყებათაშორისი კომისიის დაკომპლექტების დროსაც.

„73–ვე ოლქში საუბნო და საოლქო კომისიების წევრები, უმრავლეს შემთხვევებში, ერთმანეთთან ნათესაურ კავშირში არიან. გაურკვეველია როგორ ხდება საოლქო კომისიის წევრების მხრიდან საუბნო კომისიის წევრების არჩევა, რადგან ოლქში მხოლოდ დოკუმენტებს ეყრდნობიან და არ მიმდინარეობს მანამდე კონკურსანტებთან გასაუბრება. ამიტომ ეს პროცესი სრულიად გაუმჭვირვალეა“, – ამბობს ბებიაშვილი.

შუალედური ანგარიშის მიხედვით, სამცხე–ჯავახეთში წინასაარჩევნო პერიოდში, ამ დრომდე, მხოლოდ ერთი დარღვევა დაფიქსირდა, ახალციხეში, სოფელ სხვილისში პარტია „ევროპული საქართველოს“ წარმომადგენელს სააგიტაციო პლაკატების გაკვრაში ხელს უშლიდნენ: „ეს პრობლემა ადგილზევე იქნა აღკვეთილი და შესაბამისად, სააგიტაციოო მასალაც გაავრცელეს“.

ბებიაშვილის თქმით, საია–ს, ასევე, დაფიქსირებული აქვს ამომრჩევლის მოსყიდვის სავარაუდო ფაქტიც: „ამ საკითხს ჯერ ისევ ვიკვლევთ და ვსწავლობთ“.

საის წინასაარჩევნო პერიოდს ცენტრალური და რვა რეგიონული ოფისის მეშვეობით თბილისსა და რეგიონებში აკვირდება.



[მარიამ ბარძიმაძე, ახალციხე]