საია–მ სამცხე–ჯავახეთში წინასაარჩევნო მონიტორინგის შედეგები წარადგინა

ახალგაზრდა იურისტთა ასოციაციის იურისტი ქეთევან ბებიაშვილი დღეს, 12 სექტემბერს ადგილობრივი პოლიტიკური პარტიებისა და მედიის წარმომადგენლებს, დემოკრატიული ჩართულობის ცენტრში შეხვდა.

ბებიაშვილმა, წინასაარჩევნო მონიტორინგის შედეგები შეაჯამა და იმ დარღვევებზე ისაუბრა, რაც ბოლო ორი თვის განმავლობაში სამცხე–ჯავახეთში გამოვლინდა.

მისი თქმით, ამ პერიოდში სამი დარღვევა გამოიკვეთა. ბებიაშვილი „ნაციონალური მოძრაობის“ მხარდამჭერების ცემის ფაქტს, ახალქალაქის საოლქო საარჩევნო კომისიის თავმჯდომარეზე მუქარასა და ასპინძის გამგებლის მიერ, ა(ა)იპ–ების თანამშრომლების დაბარებას გულისხმობდა.

„პარტიების წარმომადგენლებს, მოვუყევით იმ დარღვევების შესახებ, რომელიც ბოლო პერიოდში გამოვლიდა და გავეცანით საარჩევნო გარემოს რეგიონში. ჩვენ ვაგრძელებთ მონიტორინგს წინა საარჩევნოდ და არჩევნების დღეს. ეტაპობრივად გავასაჯაროვებთ შედეგებსაც“,–განაცხადა ახალგაზრდა იურისტთა ასოციაციის იურისტმა ქეთევან ბებიაშვილმა.

შეხვედრაზე მიწვეული იყვნენ ახალციხეში ყველა პოლიტიკური პარტიების წარმომადგენელბი და ის კანდიდატები, ვინც ამ ეტაპზე არიან დასახელებულნი, თუმცა „ნაციონალური მოძრაობისა“ და „ევროპული საქართველოს“ წარმომადგენლების გარდა, შეხვედრაზე არავინ მისულა.
შეგახსენებთ, რომ 2017 წლის თვითმმართველობის არჩევნებისათვის მოინიტორინგს ახალგაზრდა იურისტთა ასოციაცია, 14 ივლისიდან ახორციელებს.

[ლუბა გიორგაძე, ახალციხე]