საზოგადოებრივი ორგანიზაციების საარსებო გარემო

სამოქალაქო საზოგადოების ინსტიტუტის ორგანიზებით არასამთავრობო ორგანიზაცია ”დემოკრატ მესხთა კავშირის” საკონფერენციო დარბაზში საზოგადოებრივი საბჭოს წარმომადგენლები შეიკრიბნენ. საბჭოში რეგიონში მოქმედი არასამთავრობო ორგანიზაციებისა და ადგილობრივი თვითმმართველობის წარმომადგენლები არიან გაერთიანებული. შეხვედრის მიზანი საკანონმდებლო ინიციატივების შესახებ მათი ინფორმირება იყო.

”რომელიც გულისხმობს არასამთავრობო ორგანიზაციების მხარდაჭერას და მიმდინარე კანონმდებლობაში სხვადასხვა სახის ცვლილებებს, ასევე ახალი ფორმების მიღებას მოიცავს”, - განმარტავს სამოქალაქო საზოგადოების ინსტიტუტის წარმომადგენელი არჩილ ცერცვაძე.

შეხვედრის მონაწილეებმა განსახილველ საკითხებთან დაკავშირებით საკუთარი მოსაზრებები და შენიშვნებიც დააფიქსირეს.

”დღეს ჩვენ მოვისმინეთ სამცხე-ჯავახეთში არსებული არასამთავრობო ორგანიზაციების შენიშვნები და მათი კონკრეტული საჭიროებები, რაც სამომავლოდ კანონმდებლობაში უნდა აისახოს. სწორედ ამ მიმართულებით გავაგრძელებთ მუშაობას”, - აამბობს არჩილ ცერცვაძე.

დღევანდელ შეხვედრაზე ვებ-პორტალის www.csogeorgia.org -ს პრეზენტაციაც გაიმართა. რომელიც სამოქალაქო საზოგადოების ინქტიტუტის მიერ შეიქმნა. აღნიშნულ ვებ-გვერდზე განთავსებულია ინფორმაცია საქართვლოში მოქმედი არასამთავრობო ორგანიზაციების შესახებ.

”იქნება ეს სიახლეები, გრანტები, კონკურსები თუ სხვა. ეს არის ყველაზე დიდი ბაზა საქართველოში მოქმედი არასამთავრობო ორგანიზაციების შესახებ. თუ რომელიმე ორგანიზაცია აღნიშნულ ბაზაში არაა შესული, საკმაოდ მარტივი ფორმაა შესავსები იმისთვის, რომ ორგანიზაცია ჩვენს ბაზაში მოხდეს. ამ ფორმის შევსების შემდეგ მომენტალურად აისახება ბაზაში”, - განმარტავს CSO Georgia- კორესპონდენტი მარიამ პატატიშვილი.


[თამარ თოთაძე, ახალციხე]