ღარღვლის ტყეში ხანძრის კერებამდე მისასვლელად გზებს ჭრიან [photos/Video]

მეორე დღეა ღარღვლის ტყეში ხანძარის ჩაქრობას მეხანძრეებთან ერთად ადგილობრივი მოსახლეობა ცდილობს. მიუვალი ადგილის გამო ხანძრის კერებამდე სახანძრო–სამაშველო სამსახურის მანქანები მისვლას ვერ ახერხებენ. ამ ეტაპზე მძიმე ტექნიკა ხანძრის კერებამდე მისასვლელად გზებს ჭრის.

როგორც ადიგენის გამგეობაში აცხადებენ, სტიქიის ზონაში რთული ვითარება გუშინ, 21 სექტემბერს იყო. ამ ეტაპზე გაცილებით უკეთესი მდგომარეობაა და ღია კერები არ არის.

საგანგებო სიტუაციების მართვის სამსახურში აცხადებენ, რომ დამატებითი ძალების მობილიზებისა და ვერტმფრენის ჩართვის აუცილებლობა არ არსებობს.

შეგახსენებთ, რომ ადიგენში, სოფელ დერცელის მიმდებარედ ღარღვლის ტყეში ხანძარი გუშინ, 21 სექტემბერს ხანძარი დაახლოებით საღამოს 19:00 საათზე გაჩნდა. დაუზუსტებელი ინფრომაციით დამწვარია 5 ჰექტარი შერეული ტყე.













[ლუბა გიორგაძე, ადიგენი]