ადიგენში, ღარღვლის ტყეში ხანძარია

რა ფართობზეა ხანძრი ადიგენის გამგეობაში ვერ აკონკრეტებენ, თუმცა ამბობენ, რომ ცეცხლი საკმაოდ დიდ ფართობს უკიდია.

ამ დროისათვის ადგილზე საგანგებო სიტუაციების მართვის სამსახურის ოთხი ჯგუფი მუშაობს: ორი ადიგენის და ორი ახალციხის.ტყის მასივი მიუვალია, ამიტომ შეძლეს თუ არა ჯგუფებმა ცეცხლის კერებზე მისვლა, ადიგენის გამგეობის თანამშრომლები ვერ აკონკრეტებენ: „ჩვენ დაბლა ვართ, მიუვალი ადგილია, სახანძროები კი წავიდნენ, მაგრამ მუშაობენ თუ არა, არ ვიცით“.

მათივე თქმით, მძიმე ტექნიკა გზების გასაჭრელად დერცელის ტყეში ამ წუთებში მიდის.

ტყის მასივი სოფლიდან დაახლოებით 10 კმ–ით არის მოშორებული, ამიტომ დასახლებულ პუნქტში ცეცხლის გადასვლის საშიშროება არ არსებობს.

[sknews.ge]