ღაღვის ტყეში ხანძრის სალიკვიდაციო სამუშაოები დაიწყო

საგანგებო სიტუაციების მართვის სამსახურში ამბობენ, რომ ღაღვის ტყეში სალიკვიდაციო სამუშაოები დღის ბოლომდე დასრულდება.

ტერიტორიაზე ავიაციის ჩართვის საჭიროება ისევ არ არის. ადგილზე რამდენიმე ათეული სახანძრო ტექნიკა და მეხანძრე–მაშველი მუშაობს.

შეგახსენებთ, რომ ადიგენში ღაღვის ტყეში, უკვე მეექვსე დღეა ხანძრის ქრობის სამუშაოები მიმდინარეობს. ცეცხლი სოფელ დერცელიდან 10 კმ–ში, მიუვალ ადგილზე გაჩნდა, ამიტომ მძიმე ტექნიკით გზის გაჭრა გახდა საჭირო, იმისათვის რომ სახანძრო ტექნიკას ცეცხლის კერებამდე მიეღწია.

[sknews.ge]