ასპინძაში საინიციატივო ჯგუფებს დოკუმენტებში ხარვეზები არ დაუდგინდათ

ასპინძის საოლქო საარჩევნო კომისიის თავმჯდომარის როსტომ მაგრაქველიძის განცხადებით, საინიციატივო ჯგუფების მიერ წარდგენილ დოკუმენტებში და მხარდამჭერთა ხელმოწერებში ხარვეზები არ დაფიქსირებულა, ამიტომ ჯგუფები საარჩევნო კანონმდებლობით გათვალისწინებულ ვადაში დარეგისტრირდნენ.

იმ ორი საინიციატივო ჯგუფიდან, რომლებიც ასპინძის საოლქოში დარეგისტრირდნენ, ერთს მერობის კანდიდატი ჰყავს წარდგენილი, მეორეს კი მაჟორიტარობის.

მერობის კანდიდატი ასპინძის მოქმედი გამგებელი, „ქართული ოცნებიდან“ არჩეული, ლევან ცაბაძეა, ხოლო მაჟორიტარობის კანდიდატი ძველის თემში ალბერტ ჯვარიძე.

ასპინძის საოლქო საარჩევნო კომისიაში ამბობენ, რომ თავად კანდიდატები ჯერ არ დარეგისტრირებულან.

[sknews.ge]