ახალციხის საარჩევნო ოლქში 6 საინიციატივო ჯგუფია დარეგისტრირებული

როგორც N37-ე ახალციხის საარჩევნო ოლქში განმარტავენ, დარეგისტრირებული 7 საინიციატივო ჯგუფიდან ერთი რეგისტრაციიდან მოიხსნა.

გარდა ამისა, N37/08 მინაძის მაჟორიტარულ საარჩევნო ოლქში ორი საინიციატივო ჯგუფის მიერ წარდგენილი ორი მაჟორიტარობის კანდიდატიდან, ერთმა კანდიდატურა საკუთარი განცხადების საფუძველზე მოიხსნა.

ამ დროისთვის, საინიციატივო ჯგუფების მიერ მაჟორიტარობის კანდიდატები შემდეგ ოლქებშია წარდგენილი:

1. N37/02 ვალის მაჟორიტარული საარჩევნო ოლქი;
2. N37/08 მინაძის მაჟორიტარული ოლქი;
3. N37/06 ელიაწმინდის მაჟორიტარული ოლქი;
4. N37/14 ფერსის მაჟორიტარული ოლქი;
5. N37/01.03 ახალციხის მაჟორიტარული ოლქი;
6. N37/13 ურავლის მაჟორიტარული ოლქი.

„რაც შეეხება დანარჩენ ოლქებს, სააღრიცხვო ბარათები გატანილი აქვთ სხვადასხვა ოლქის კანდიდატებს და 29 აპრილის ჩათვლით აქვთ დარეგისტრირების ვადა“, - განმარტავს N37-ე ახალციხის საოლქო საარჩევნო კომისიის თავმჯდომარე თეა გავაშელი.

[თამარ თოთაძე, ახალციხე]