ადიგენში ექვსი საინიციატივო ჯგუფი დარეგსიტრირდა

ადიგენის საოლქო საარჩევნო კომისიის თავმჯდომარის ჯაბა მაჭარაშვილის განმარტებით, დადგენილ ვადებში ორმა საინიციატივო ჯგუფმა ხარვეზები გამოასწორა, რომლებსაც მხარდამჭერების ხელმოწერები არასრულყოფილად ჰქონდათ.

შეგახსენებთ, რომ ადიგენში 2017 წლის თვითმმართველობის არჩევნებში მონაწილეობისთვის კანდიდატი შვიდმა საინიციატივო ჯგუფმა წარადგინა. აქედან ერთი მერობის დამოუკიდებელი კანდიდატი, გამგებლის ყოფილი მოადგილე, მინდია ჯელიაა. ხოლო დანარჩენი ექვსი მჟორიტარობის კანდიდატები იყვნენ, თუმცა რეგისტრაციამდე, გორგულის თემის მაჟორიტარული ოლქის საინიციატივო ჯგუფმა კომისიას რეგისტრაციის გაუქმების მოთხოვნით მიმართა, მათი კანდიდატი თორნიკე გობერიძე იყო.

ადიგენის საოლქო კომისიას ხელმოწერების ნამდვილობის გადასამოწმებლად სამი დღის ვადა ჰქონდა. ახლა კი მხოლოდ ბოლო ეტაპი, თავად კანდიდატის რეგისტრაცია რჩება. თუ კანდიდატებიც დარეგისტრირდებიან, მაშინ, 2017 წლის 21 ოქტომბრის ადგილობრივი თვითმმართველობის არჩევნებში ადიგენში 6 დამოუკიდებელი კანდიდატი იქნება.

[sknews.ge]