N37-ე ახალციხის საოლქო კომისიაში არჩევნები დღეს, 3 სექტემბერს 4 საათზე მეტ ხანს, მშვიდ ვითარებაში მიმდინარეობდა. საოლქო კომისიამ 35 უბანზე 6–6 წევრი 385 აპლიკანტს შორის აირჩია.
საოლქო კომისიის წევრებმა ოპოზიციური პარტიებიდან, ლელა შუბითიძემ „ნაციონალური მოძრაობიდან“, თამარ მღებრიშვილმა „ქრისტიან კონსერვატორებიდან“ და ეკა ჩიტაშვილმა „ევროპული საქართველოდან“, არა ერთ უბანზე კონკურსანტების უმრავლესობა გადახაზეს.
„წინააღმდეგი ვიყავი იმიტომ რომ ვიცოდი კომისიას წინასწარ ჰყავდა საუბნო კომიის წევრები შერჩაეული, ამიტომ ოპოზციის არჩევანს აზრი აღარ ჰქონდ“, – განაცხადა სხდომის დასრულების შემდეგ ლელა შუბითიძემ.
შეკითხვაზე, თუ რა აძლევს ამის თქმის საფუძველს, გვიპასუხა: „აქ რეალური ოპოზიცია იყო მხოლოდ ორი პარტია,“ნაციონალური მოძრაობა“ და „ევროპული საქართველო“.
რაც შეეხება „ევროული საქართველოს“ წარმომადგენელს ეკა ჩიტაშვილს, ამბობს რომ არჩევანი კვალიფიციურ კადრებზე გააკეთა: „წელს სარჩევნო უბნებზე ბევრი ადამიანი განმეროდა. ვისაც ვიცნობდი და ვისი კომპეტენციაც ვიცოდი შემოვხაზე, ვისაც არ ვიცნობდი არა“.
ცნობადობის მიხედვით გააკეთა არჩევანი თამარ მღებრიშვილმა. როგორც თავად აცხადებს, მან 385 აპლიკანტიდან ხმა მხოლოდ ოთხს მისცა: „სულ რამდენიმე ამომრჩეველი ვიცანი და შემოვხაზე. იყო უბნები, სადაც ძალიან ბევრს არ ვიცნობდი. ამიტომ ასე გადავწყვიტე“.
ოპოზიციის წევრების განცხადებები იმის შესახებ, რომ მათ არჩევანის გაკეთება გაუჭირდათ, უკვირს N37 საოლქო საარჩევნო კომისიის თავმჯდომარეს თეა გავაშელს. მისი განცხადებით წელს ბევრი ახალი აპლიკანტი იყო, მათი ოდენობა კი არც ისე მცირე, ამიტომ კომისიის წევრებს არჩევანი დიდი ჰქონდათ.
„თუ ძველი და გამოცდილი კადრები არ იყო უბანზე ისე მუშაობა რთული იქნება, მაგრამ ახალსაც თუ არ აირჩევ და არ მისცემ შანსს ის გამოცდილი ვერ გახდება, ამიტომ ისე შევარჩიეთ კადრები, რომ უბნები ძველი და ახალი კადრებით დაგვებალანსებინა“, – ამბობს გავაშელი.
მისი თქმით, იგი თითქმის ყველა კონკურსანტს ძველსაც და ახალსაც პირადად იცნობდა, ამიტომ არჩევანის გაკეთება არ გაჭირვებია: "სარასაარჩევნო პერიოდში ადმინისტრაცია ატარებს საარჩევნო ტრენინგებს, ასევე გვაქვს საზაფხულო სკოლა, ადმინისტრატორის კურსები, ამიტომ ზედმეტ–ნაკლებად ვიცნობდით ყველას, ვისაც განაცხადი ჰქონდა შემოტანილი“.
კომისიაში შეტანილი განაცხადების მიხედვით გააკეთა არჩევანი კონკურსანტებზე, როგორც თავად აცხადებს, კომისიის წევრმა „ქართული ოცნებიდან“ ნათია დევაძემ: „ბევრი განაცხადი იყო შემოსული მაგრამ საკმარისი დრო გვქონდა საიმისოდ, რომ გავცნობოდით ყველა კონკურსანტის დოკუმენტს“.
კომისიის წევრები, უმრავლესობის ასევე ოპოზიციური პარტიებიდან, არ იზიარებენ მოსაზრებას იმის შესახებ, რომ წინასწარ რაიმე იყო განსაზღვრული, ან შეთანხმებული.
„წევრები უმრავლესობის გადაწყვეტილებით ირჩევა, ის ვისაც 7 ხმა არ ექნება, სუბნო კომისიის წევრი ვერ გახდება. იმ წევრებს მაგალთად, რომლებმაც გასულ წელს არჩევნებს კარგად ვერ გაართვეს თავი, წელს ხმა არ მივეცი, მაგრამ ასეთები უბნებზე მაინც მოხვდნენ, რადგან სხვებმა აირჩიეს და მათ დაუჭირეს მხარი“, – აცხადებს გავაშელი და ამატებს, რომ დაკომპლექტებული უბნების შემადგენლობით კმაყოფილია, რადგან ფიქრობს, რომ ბევრი კვალიფიციური წევრი შეირჩა.
6–6 კაციანი შემადგენლობით ახალციხის უბნები უკვე დაკომლექტდა, ახლა პარტიები თითო უბანზე 7–7 კაცს წარმოადგენენ.
[თამუნა უჩიძე, ახალციხე]