ახალციხის საოლქო კომისიამ საუბნო კომისიის თავმჯდომარეები დაასაჩუქრა

სიმბოლური საჩუქრებით N14 აწყურის, N18 პამაჯის, N32 ახალციხის, N13 ანდრიაწმინდის, N16 კლდისა და N9 ვალის საუბნო კომისიის თამჯდომარეები დაჯილდოვდნენ. საჩუქრები იმ თამჯდომარებმა მიიღეს, ვისაც შენიშვნა და გაფრთხილება არ მიუღიათ.

„გულწრფელი, კეთილსინდისიერი მუშაობისთვის და ჩვენი გვერდში დგომისთვის დაჯილდოვდნენ. პირველი პრეცენდენტია, მაგრამ როგორც შევძელით, ისე გავაკეთეთ“, – ამბობს ახალციხის საოლქო საარჩევნო კომისიის თავმჯდომარე თეა გავაშელი. მისი იდეა იყო თავმჯდომარეების დაჯილდოვება.

„მეხუთე არჩევნები იყო კომისიის თავმჯდომარის რანგში. ყველა არჩევნები ჩემთან გადაცდომების გარეშე ჩატარდა. მადლობელი ვარ ამ ინიციატივის და საოლქო საარჩევნო კომისიის წევრების“, – ამბობს N14 აწყურის კომისიის თამჯდომარე ანზორ ბარძიმაძე.

თეა გავაშელი ჩატარებულ არჩევნებს აფასებს და ამბობს, რომ სპეციფიკიდან გამომდინარე რთული იყო, რადგან საპარლამენტო არჩევნებთან ერთად, ახალციხის მერის რიგგარეშე არჩევნებიც დაემთხვა.

„თითოეულ კომისიის წევრს მადლობას ვუხდი. ძალიან ამაყი ვარ. გასულ წლებში მეტი საჩივრები და შენიშვნები იყო. წელს რამდენიმე თავმჯდომარე – მდივნის გაფრთხილება შენიშვნით შემოვიფარგლეთ. წინა 2012, 2013, 2014 წლებში კომისიის წევრებს ხელფასებიც დააკლდათ“, – ამბობს თეა გავაშელი.



[თინათინ ზაზაძე, ახალციხე]