ადიგენის საკრებულოს თავმჯდომარე მაჟორიტარობის დამოუკიდებელ კანდიდატად წარადგინეს

ლევან ლობჯანიძე, რომელიც 2014 წლის თვითმმართველობის არჩევნების შემდეგ, საკრებულომ იმპიჩმენტის წესით გადააყენა, შემდეგ კი სასამართლოს გზით სტატუსი დაიბრუნა და ახლაც ადიგენის საკრებულოს თავმჯდომარეა, შესაძლოა ამ არჩევნებში მლაშის თემის მაჟორიტარობის დამოუკიდებელი კანდიდატი იყოს.

ლობჯანიძის საინიციატივო ჯგუფმა, საოლქო კომისიას უკვე მხარდამჭერების ხელმოწერებიც გადასცა.

თავად ლევან ლობჯანიძე ამბობს, რომ საინიციატივო ჯგუფმა კი წარადგინა, თუმცა, შესაძლოა არ დარეგისტრირდეს.

მიზეზების შესახებ ლობჯანიძე ჯერ არ საუბრობს.

„რამდენიმე დღეში გეტყვით, ყველაფერს დეტალურად, რატომ ვფიქრობ რომ კენჭი აღარ ვიყარო“, – ამბობს იგი.

[ლუბა გიორგაძე, ადიგენი]