რა ვითარებაა აბასთუმნის ტყეში ხანძრიდან მესამე დღეს[Photo/Video]

როგორც სტიქიის ზონიდან „სამხრეთის კარიბჭეს“ ჟურნალისტი ლუბა გიორგაძე იუწყება, ამ ეტაპზე ტყეში ვერტმფრენებმა მუშაობა შეაჩერეს, ადგილზე აღარც დაკვამლიანებაა.

შინაგან საქმეთა მინისტრის თქმით, დარჩენილია მხოლოდ რამდენიმე კერა, სადაც ლოკალიზების სამუშაოები მიმდინარეობს.



დღეს დილიდან გამკაცრებული იყო სტიქიის ზონაში ჟურნალისტების შესვლა, რაც შინაგან საქმეთა სამინისტრომ უსაფრთხოების ზომებით ახსნა. დღის მეორე ნახევარში მედიის წარმომადგენლები ტყეში თავად შინაგან საქმეთა მინისტრმა შეიყვანა. თუმცა, მხოლოდ ის ტერიტორია მოიარეს, სადაც გზები გაიყვანეს, ეს კი კერებიდან დაახლოებით კილომეტრნახევრითაა დაშორებული.



ამ ეტაპზე ამ ადგილებზე შესულია სახანძრო მანქანები და წყლის მილებით წყალი ცეცხლის კერებამდე მიდის. იმ ადგილებამდე, სადაც ახლა ლიკვიდაციას ცდილობენ.





შსს–ს საგანგებო სიტუაციების სააგენტოს დირექტორის ნიკოლოზ სირაძის თქმით, ადგილზე რჩებიან შსს–ს უწყებების, საგანგებო სიტუაციების სამსახურისა და განსაკუთრებულ დავალებათა დეპარტამენტის თანამშრომლები, რომლებიც ხანძრის კერებს ამუშავებენ.





შეგახსენებთ, მესამე დღეა აბასთუმნის ტყეში ხანძარს ებრძვიან.

[sknews.ge]