აბასთუმანში ხვალ 5 ვერტმფრენი და 2 თვითმფრინავი იმუშავებს

საქართველოს შინაგან საქმეთა მინისტრმა ჟურნალისტებთან ხანძრის მეორე დღე შეაჯამა.

მისი განცხადებით, დღეს, ბორჯომ-ხარაგაულის ეროვნული პარკის აბასთუმნის უბანზე, სტიქიის ზონაში დღის განმავლობაში ორმა ქართულმა ვერტმფრენმა (აქედან ერთი შსს–ს და ერთი კერძო კომპანიის ვერტმფრენია) იმუშავა, ასევე დღის მეორე ნახევარში ავიაცას დაემატა უკრაინული თვითმფრინავი.

"დღის ბოლოსთვის კიდევ შემოგვემატა აზერბაიჯანული ვერტმფრენი და ხვალ დილიდან უკვე ამას ორი თურქული ვცერტმფრენიც დაემატება და პლიუს ერთი თურქული თვითმფრინავი. ანუ, ხვალ დილიდან ისევ ახალი ძალებით განვაახლებთ ხანძრის ქრობის პროცესს“, – განაცხადა მინისტრმა.

[sknews.ge]