მძიმე ღამის შემდეგ სტიქიის ზონაში მდგომარეობა სტაბილურია

ბოლო მონაცემებით, წუხელ გვიან ღამით არდაგანში, სასაფლაოების მხარეს გავრცელებული ცეცხლი შეკავებულია. ამ დორისათვის კი სასაფლაოებზე გადადების საშიშროება აღარ არის, თუმცა ტერიტორია მაინც კრიტიკულ კერად რჩება.

საგანგებო სიტუაციების მართვის სამსახურის ინფორმაციით, ცოცხალი ძალა მთელი ღამის განმავლობაში ცდილობდა არდაგანის ტერიოტორიაზე, სასაფლაოს მახლობლად ცეცხლის ლოკალიზებას. ამისათვის წუხელისვე ადგილზე, თავდაცვის სამინისტროს 1000 ჯარისკაცის გამოძახება გახდა საჭირო.

საგანგებო სიტუაციების მართვის სამსახურის ინფორმაციით, ამ დროისათვის ძლიერი კრები ისევ არდაგანის ტერიტორიაზე ფიქსირდება, ცეცხლის ლოკალიზებისათვის ძირითადადა ცოცხალი ძალის ჩართვვაა აუცილებელი. კერებთან მისასვლელი გზები, მძიმე ტექნიკამ უკვე გაჭრა და მათ კერებთან მიახლოვება არ გაუჭირდებათ.

უწყების ინფორმაციით, ამ დროისათვის ცეცხლის გადადების საშიშროება არც დასახლებულ პუნქტებზე არსებობს.

შეგახსენებთ, რომ უკვე მეექვსე დღეა, ბორჯომში ხანძარია. მის ლოკალიზებას ექვსი ვერტმფრენი, ერთი თვითმფრინავი და 2500 ცოცხალი ძალა ცდილობს. ცეცხლის ჩაქრობის სამუშაოებში ჩაერთო სომხეთის, აზერბაიჯანის, თურქეთისა და ბელორუსიი ცოცხალი ძალა და ავიაცია.

[ლუბა გიორგაძე, ბორჯომი]