რა ვითარებაა ბორჯომში ხანძრიდან მეექვსე დღეს

საგანგებო შტაბში ფიქრობენ, რომ დღის ბოლოს, ვიდრე ვერტმფრენები მუშაობას შეწყვეტენ, მდგომარეობა გაცილებით უკეთესი იქნება.

ბორჯომში ისევ რჩება ავიაციაც, მძმე ტექნიკაც და ცოცხალი ძალაც, ისევ საგანგებო რეჟიმში მუშაობს სპეციალური შტაბი.

შეგახსენებთ დღეს, სამაშველო სამუშაოებში ჯარისკაცები ჩაერთვნენ. წუხელ, გვიან ღამით, ცეცხლის კერა არდაგანში, სასაფლაოს მიმდებარე ტერიტორიაზე გართულდა და მთელი ღამის განმავლობაში ადგილზე რამდენიმე სამაშველო ჯფუფი მუშაობდა. შემთხვევის ადგილზე გამოიძახეს დამატებითი ჯგუფები, მათ შორის, აზერბაიჯანელი მეხანძრეები.

საგანგებო შტაბში, რომელიც ბორჯომში ამ ხანძრის გამო შეიქმნა და 24–საათიან რეჟიმში მუშაობს, ამბობენ, რომ ხანძრის კერებთან მისასვლელი გზები, მძიმე ტექნიკამ უკვე გაჭრა და დღეს სტიქიას ერთიანი ძალით უტევს ავიაცია, ტექნიკა და ცოცხალი ძალა.

[sknews.ge]