ბორჯომში ავიაციამ მუშაობა სრული დატვირთვით განაახლა

ავიაციასთან ერთად, ადგილზე მობილიზებულია ცოცხალი ძალა და მძიმე ტექნიკა, როგორც საქართველოს, იესე მეზობელი ქვეყნების, რომლებიც ცეცხლის ჩაქრობის პროცესში მთელი ღამის განმავლობაში მუშაობდნენ.

ტყის მასივში მთელი ღამის განმავლობაში მუშაობდა მძიმე ტექნიკა, რომელიც კანძრის კერებტან მისასვლელ გზას ჭრიდა.

საგანგებო სიტუაციების მართვის სამსახურის ინფორმაციით, ხანძრის ლოკაციებზე ისევ არ უშვებენ მოხალისეებს–"ეს უსაფრთხოების გამო ხდება, მხოლოდ პროფესიონალები მუშაობენ, ვისზეც ჩვენ ვიღებთ პასუხისმგებლობას".

მათივე ინფორმაციით, ამ დროისათვის ცეცხლის ახლალი კერები არ ფიქსირდება და ძირითადი კერების ნაწილი ლოკალიზებულია. ახლა ცეცხლი მხოლოდ სოფელ დაბასა და წაღვერს შორის, არდაგანის ტერიოტორიას უკიდია, სადაც ავიაციაა მიმართული.

საგანგებო სიტუაციების მართვის სამსახურში იმედოვნებენ, ბორჯომის ხეობაში ქარი არ გაძლიერდება და კერების რაოდენომა არ მოიმატებს.

შეგახსენებთ, რომ ბორჯომში სოფლების დაბის, ყვიბისისა და წაღვერის მიმდებარე ტერიტორიას, ცეცხლი უკვე მეხუთე დღეა უკიდია. საქართველოსა და მეზობელი ქვეყნების ავიაცია და ცოცხალი ცეცხლის ლოკალიზებას უშედეგოდ ცდილობს, სამუშაოებს რთული რელიეფი და ძლიერი ქარი ართულებს.

[ლუბა გიორგაძე, ბორჯომი]