ბორჯომში ხანძრის სალიკვიდაციო სამუშაოები სრულდება

ხანძრის ცალკეული კერების დამუშავება, გუშინ მთელი ღამის განმავლობაში მიმდინარეობდა. საგანგებო სიტუაციების მართვის სამსახურში ამბობენ, რომ ადგილზე აღარ არის საჰაერო ტექნიკის ყოფნის საჭიროება.

„გუშინ მთელი ღამის განმავლობაში მუშაობდნენ მეხანძრე-მაშველები, ასევე შესაბამისი ხანძარსაწინააღმდეგო ტექნიკა. ბორჯომის ხეობაში არ
იმყოფება საჰაერო ტექნიკა, რომლის პროცესების ჩართვის საჭიროება, ამ ეტაპზე აღარ არსერბობს. იმედია, უახლოეს დღეებში ხანძრის ცალკეული კერების დამუშავების პროცესი სრულად დასრულდება“, - ამბობენ საგანგებო სიტუაციების მართვის სამსახურში.

შეგახსენებთ, რომ ბორჯომის ხეობაში ექვსდღიანი მუშაობის შემდეგ, ხანძრის ლოკალიზება მოხერხდა. რამდენიმე დღეა კერების სალიკვიდაციო სამუშაოები მიმდინარეობს. ხეობაში შემცირებულია ცოცხალი ძალისა და მძიმე ტექნიკის მუშაობაც. ქვეყანა უკვე დატოვეს აზერბაიჯანისა და სომხეთის მეხანძრე–მაშველებმა, ასევე მეზობელი ქვეყნების ავიაციამ.

[sknews.ge]