Ifact: მეხანძრის ხელფასი რეგიონებში 500, თბილისში კი 800 ლარია [ინფოგრაფიკა]

"2017 წლის კრიზისი ხანძარია. მხოლოდ ამ ზაფხულს ქვეყანაში ათზე მეტი ხანძარი გაჩნდა. პარალელურად უკვე სამი წელია ქვეყანაში გვაქვს საბჭო, რომელიც შექმნილია მძიმე პოლიტიკური, სოციალური, ეკონომიკური, ეკოლოგიური და სხვა შედეგების თავიდან ასაცილებლად და აღმოსაფხვრელად. მთავრობამ და საბჭომ კი ცეცხლმოკიდებული ბორჯომის ხეობის საშველად ნაბიჯები ერთი დღის დაგვიანებით გადადგეს და სიტუაცია რეალურად ვერ შეაფასეს. ჩათვალეს, რომ ხანძარი ჩააქრეს, თუმცა ქარიანმა ამინდმა ცეცხლის ახალ-ახალი კერები წარმოშვა და ასე შემოგვეწვა ხელში 15 ჰექტრამდე ტყე",– წერს გამოცემა სტატიაში ვინ ებრძვის ხანძარს და ვინ იღებს მილიონებს?



შეგახსენებთ, მეოთხე დღეა ბორჯომში ხანძარს ებრძვიან. ადგილზე, დღეის მდგომარეობით, ერთი თვითმფრივანი და რვა ვერტმფრენი მუშაობს, ასევე, ასობით მეხანძრე–მაშველი, შსს–ს თანამშრომლები და ჯარი. სამუშაოებში ჩართული არიან მეხანძრე–მაშველები მეზობელი სომხეთიდან და აზერბაიჯანიდან. ხანძრიდან მეოთხე დღეს ორი ბორჯომის ხეობაში ცეცხლის გავრცელების არეალი გაცილებით შემცირდა, თუმცა რჩება ძლიერი კერა წაღვერისა და ტიმოთესუბნის ქედზე და ავიაციის რესურსი ამ კერებზეა მობილიზებული. ხანძრის ლოკალიზებას ისევ ართულებს ქარი.

[ნინო ნარიმანიშვილი, ბორჯომი]