სპორტული აქტივობები დაშავებული სამხედროებისთვის

თავდაცვის სამინისტროს ცნობით, დაშავებული სამხედროებისთვის, სპორტული აქტივობები პროექტის „შეზღუდული შესაძლებლობის მქონე ჯარისკაცები ხელმისაწვდომი გარემოსათვის“ ფარგლებში განხორციელდა. დაშავებული სამხედრო მოსამსახურეები ერთი კვირის განმავლობაში სხვადასხვა სპორტულ აქტივობებში სხვა შეზღუდული შესაძლებლობების მქონე პირებთან ერთად მონაწილეობდნენ. სპორტულ აქტივობებს შორის იყო მშვილდოსნობა, ჯომარდობა, ზიპლაინი, ფეინტბოლი და თევზაობა.

"პროექტის მიზანი, საზოგადოებაში დაშავებული სამხედროების სრულფასოვანი ინტეგრაცია, სპორტულ–კულტურულ აქტივობებში ჩართვა და ამ გზით მათთვის აქტიურ ცხოვრებაში დარჩენის მოტივაციის ამაღლება, ასევე ჯანსაღი ცხოვრების წესის, გარემოზე ზრუნვის პოპულარიზაციის გზით საზოგადოებისთვის მაგალითის მიცემა იყო", – აცხადებენ უწყებაში.

პროექტი „საქართველოს ბავშვთა და ახალგაზრდობის განვითარების ფონდის“ მიერ განხორციელდა, რომლესაც პარტნიორობა საქართველოს თავდაცვის სამინისტრომ და აფხაზეთის ავტონომიური რესპუბლიკის მთავრობამ გაუწიეს.




[sknews.ge]