სოფელ ჭაჭარაქში ავარიას მამაკაცის სიცოცხლე ემსხვერპლა

ავტოსაგზაო შემთხვევა სოფელ ჭაჭარაქში დღეს 8 აგვისტოს, დაახლოებით 15:00 საათზე მოხდა.

სასწრაფო სამედიცინო დახმარების ცენტრის ინფორმაციით, ავარიის შედეგად მსუბუქი ავტომობილის მძღოლი, 1983 წელს დაბადებული მამაკაცი ადგილზე გარდაიცვალა.

„სატვირთო მანქანის მძღოლს მხოლოდ ნევროტულობა აღენიშნებოდა, ამდენად სამედიცინო დაწესებულებაში გადაყვანას არ საჭიროებდა“, – გვითხრეს სასწრაფო სამედიცინო დახმარების ცენტრში.

მომხდარს შინაგან საქმეთა სამინისტრო სისხლის სამართლის კოდექსის 276–ე მუხლის მეხუთე ნაწილით იძიებს. რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

[sknews.ge]