სამცხე-ჯავახეთის სამხარეო სამმართველოს უფროსი შეიცვალა

კალანდაძემ ამ პოსტზე რევაზ მუმლაძე შეცვალა.

როგორც შსს-ში „სამხრეთის კარიბჭეს“ განუმარტეს, თეიმურაზ კალანდაძე დღემდე მცხეთის რაიონული სამმართველოს უფროსად მუშაობდა: „სად გადავა მუმლაძე სამუშაოდ, ჯერ ცნობილი არ არის“.

შსს-ში განმარტავენ, რომ სამხარეო სამმართველოს უფროსის მოადგილეები ჯერ ადგილზე რჩებიან.

შეგახსენებთ, რომ ყოფილი პოლიტ პატიმარი რევაზ მუმლაძე სამცხე-ჯავახეთის სამხარეო მთავარი სამმართველოს უფროსად 13 იანვარს დაინიშნა.

მუმლაძემ ციხე 190 პოლიტპატიმართან ერთად დატოვა. იგი 2012 წლის 14 თებერვალს დააკავეს და 3-წლიანი პატიმრობა მიუსაჯეს, მას ბაკურიანში მიწის ნაკვეთის არასწორად შესყიდვას ედავებოდნენ. მუმლაძე აცხადებს, რომ მან ნაკვეთი კანონის სრული დაცვით შეიძინა და მისი დაკავება პოლიტიკური გადაწყვეტილება იყო, რაც უშუალოდ 2012 წლის საპარლამენტო არჩევნებს უკავშირდებოდა.

[თამუნა უჩიძე, ახალციხე]