სამცხე–ჯავახეთში პოლიციის პირველ პირად თეიმურაზ კალანდაძე რჩება

მთავარი → საზოგადოება 18.01.2016

სამცხე–ჯავახეთის პოლიციის დეპარტამენტის ხელმძღვანელის პოსტი კვლავ თეიმურზ კალნადაძემ დაიკავა. აღნიშნულ ინფრომაციას შსს–ში ადასტურებენ.

სამცხე–ჯავახეთში პოლიციის პირველ პირად თეიმურაზ კალანდაძე რჩება

შინაგან საქმეთა სამინისტროში განმარტავენ, რომ სამცხე–ჯავახეთის პოლიციის დეპარტამენტის ხელმძღვანელად თეიმურაზ კალანდაძის დანიშვნის შესახებ ბრძანება დღეს, 18 იანვარს დაიწერა.

დღესვე შინაგან საქმეთა მინისტრი რეგიონების პოლიციის დეპარტამენტების ახლადდანიშნულ დირექტორებს შეხვდა. გიორგი მღებრიშვილმა ხაზგასმით აღნიშნა, რომ შინაგან საქმეთა სამინისტრო დანაშაულის წინააღმდეგ ბრძოლას კიდევ უფრო ამკაცრებს.

შეხვედრაზე შსს–ს მინისტრმა ყურადღება გაამახვილა რეგიონების პოლიციის დეპარტამენტების კოორდინირებულ მუშაობაზე და დეპარტამენტების ხელმძღვანელებს სამუშაო პროცესთან დაკავშირებით ახალი დავალებები მისცა.

შეგახსენებთ, რომ რეგიონების პოლიციის დეპარტამენტების დირექტორებმა სამსახურიდან წასვლის შესახებ განცხადებები 15 იანვარს დაწერეს. ამავე დღეს განცხადება დაწერა სამცხე-ჯავახეთის პოლიციის დეპარტამენტის დირექტორმა თეიმურაზ კალანდაძემაც.

სამინისტროში განმარტავდნენ, რომ აღნიშნული, უწყებაში მიმდინარე რეორგანიზაციას უკავშირდებოდა.

[ვარლამ წიკლაური, ახალციხე]