ივლიტაში დაზიანებული ასფალტის აღდგენა დაიწყო

ახალციხის გამგეობაში აცხადებენ, რომ ამ ეტაპზე ივლისტის გზაზე დაზიანებული მონაკვეთები რამდენიმე დღის წინ ამოჭრეს, მისი დატკეპვნის შემდეგ, კი ასფალტს დააგებენ.

„ღრმად არის ამოჭრილი დაზიანებული მონაკვეთები და შიგ ხრეშია ჩაყრილი, ველოდებით რომ დაიტკეპნოს, შემდეგ კომპანია ასფალტის დაგებას დაიწყებს“, – ამბობს ახალციხის მუნიციპალიტეტის გამგებლის მრჩეველი ნოდარ ბალახაშვილი.

შეგახსენებთ, რომ სოფელ ივლიტაში ერთი წლის წინ 1 178–მეტრიან მონაკვეთზე დაგებული ასფალტი რამდენიმე ადგილზე დაზიანდა.

ადგილობრივები აღნიშნულ გაზაზე მძიმეწონიან მანქანების მოძრაობას და არახარისხიანად შესრულებულ სამუშაოებზე საუბრობდნენ. ადგილობრივ თვითმმართველობაში კი არ გამორიცხავენ, რომ გზის ასე მასშტაბური დაზიანება გრუნტის წყლებმა გამოიწვია.

სოფელ ივლიტაში ასფალტი შპს „არალმა“ გასული წლის სექტემბერში დააგო. ტენდერში გამარჯვებულმა კომპანიამ სამუშაოები 257 640 ლარად შეასრულა, ტენდერი 315 345 ლარზე იყო გამოცხადებული. გზასთან ერთად გაკეთდა სანიაღვრე არხებიც.

[თინათინ ზაზაძე, ახალციხე]