რუსთაველის ქუჩაზე ამოჭრილი ასფალტი შეაკეთეს

შეგახსენებთ, ორ კვირაზე მეტი ხნის განმავლობაში, რუსთაველის ქუჩაზე ასფალტის საფარი ამოჭრილი იყო და მოძრაობას აფერხებდა.

როგორც "სამხრეთის კარიბჭეს" საქართველოს გაერთიანებული წყალმომარაგების კომპანიის სამცხე–ჯავახეთის ფილიალში განუმარტეს, საფარი ერთ–ერთი მცხოვრების მიმართვის საფუძველზე გაიჭრა.

თავისი სახსრებით უნდოდა წყალარინების ქსელის თავისთან დაერთება . ჩვენ ნებართვა მივეცით და აღნიშნული სამუშაოები ზედამხედველობის ქვეშ გაკეთდა“,– ამბობს საქართველოს გაერთიანებული წყალმომარაგების კომპანიის სამცხე–ჯავახეთის ფილიალის მენეჯერი ბორის სპანდერაშვილი.

რაც შეეხება ამოთხრილი ასფალტის შეკეთებას, სპანდერაშვილის განმარტებით, ასფალტის საფარის აღდგენა კომპანიის ვალდებულება იყო: „კონტრაქტორს დაველაპარაკები და ამ კვირაში გადავფარავთ ასფალტის საფარით ამოთხრილს“, განუცხადა გასულ კვირას "სამხრეთის კარიბჭეს" სპანდერაშვილმა.

[sknews.ge]