გარემოს დაცვის სამინისტრო: წაღვერში ხანძარი ლოკალიზებულია [Photo/Video]

ფოტო: გარემოს დაცვის სამინისტრო

უწყების ცნობით, წაღვერში, არჯევანიძის ტყეში გაჩენილი ხანძრის ჩაქრობა ვერტმფრენისა და სახანძრო მანქანების საშუალებით მიმდინარეობს.
ინტენსიურ რეჟიმში ადგილზე მუშაობენ ეროვნული სატყეო სააგენტოს მეტყევეები, მეხანძრე-მაშველები და მოხალისეები (ტყის მიმდებარედ მცხოვრები ადგილობრივები). მობილიზებულია პოლიციისა და სასწრაფო სამაშველო სამსახურის ეკიპაჟები.

"როგორც სსიპ ეროვნული სატყეო სააგენტოს უფროსი თორნიკე გვაზავა აცხადებს, ხანძარი ლოკალიზებულია, ამ ეტაპზე მიმდინარეობს ხანძრის კერების ჩაქრობა. ტერიტორიაზე გაკეთებულია მინერალიზებული ზოლები, რომელიც ხელს უშლის ხანძრის გავრცელებას", – ნათქვამია გარემოს დაცვის სამინისტროს მიერ გავრცელებულ ინფორმაციაში.

სამინისტროს განცხადებით, დღეს, დაახლოებით 10:00 საათზე, არჯევანიძის ტყეში ცეცლი 1 ჰექტრამდე ტყის მასივს მოედო. ხანძრის გაჩენის მიზეზი ჯერჯერობით უცნობია.


















[sknews.ge]