ახალციხეში ქმარმა ცოლი დაჭრა

შემთხვევა ახალციხეში, დღეს, 25 ივლისს, დილით მოხდა. 31 წლის ქალს ცეცხლსასროლი იარაღით მრავლობითი ჭრილობა აქვს მიყენებული.

სასწრაფო–სამედიცინო დახმარების სამსახურის ინფორმაციით, დაშავებულს ადგილზე სასწრაფო დახმარება აღმოუჩინეს და შემდეგ ახალციხის რეფერალურ ჰოსპიტალში გადაიყვანეს, სადაც მას ოპერაცია ჩაუტარდა.

„ოპერაციამ კარგად ჩაიარა, მის სიცოცხლეს საფრთხე არ ემუქრება. მდგომარეობა სტაბილურია. ამჟამად ოპერაციის შემდგომი მკურნალობა უტარდება“, – გვითხრეს ახალციხის რეფერალურ ჰოსპიტალში.

როგორც ოჯახის ახლობლები აცხადებენ, ბოლო დროს ცოლ–ქმარი ერთად აღარ ცხოვრობდა.

შინაგან საქმეთა სამინისტროს ინფორმაციით, შუახნის მამაკაცი სამართალდამცველებმა ცხელ კვალზე, მომხდარიდან მალევე დააკავეს. ძიება სისხლის სამართლის კოდექსის ორი მუხლით დაიწყო: 11 პრიმა – 117–ე, რაც ოჯახის ერთი წევრის მიერ მეორის მიმართ ჯანმრთელობის განზრახ მძიმე დაზიანებას გულისხმობს და 236–ე, რაც ცეცხლსასროლი აირაღის უკანონო შეძენა–შენახვა–ტარებას გულისხმობს.

დაკავებული ამჟამად დროებითი მოთავსების იზოლატორში იმყოფება.

[თამუნა უჩიძე, ახალციხე]