ახალციხეში 19 წლის გოგო მეორე სართულიდან გადმოვარდა

შემთხვევა 27 მაისს მოხდა. გოგონა სასწრაფო სამედიცინო დახმარების ბრიგადამ ახალციხის რეფერალურ ჰოსპიტალში გადაიყვანა. იქიდან კი იგი კატასტროფით თბილისის ინგოროყვას კლინიკაში წაიყვანეს.

„შემოყვანისას კონტაქტური იყო. საშუალო სიმძიმის. ორი მალის და ქუსლის ძვლის მოტეხილობა აღენიშნებოდა“, – აცხადებენ ახალციხის რეფერალურ ჰოსპიტალში.

ოჯახის ახლობლების განმარტებით 19 წლის გოგო აივნიდან მაშინ გადმოვარდა, როცა მეგობართან ერთად ფოტოს იღებდა.

„ორი ოპერაცია ჩაუტარდა და ყველაფერმა კარგად ჩაიარა. რეანიმაციაშია გადაყვანილი. ხვალ შევძლებთ ნახვას“, – აცხადებენ დაშავებულის ახლობლები.

[თინათინ ზაზაძე, ახალციხე]