აბასთუმანში დაჭრილი მამაკაცის მდგომარეობა სტაბილურია

"მუცლის ღრუში შემავალი ჭრილობა აქვს.დაზიანებული აქვს ღვიძლი, ნეკნქვეშა არტერია და დიაფრაგმა. მკურნალობას განაგრძობს, მისი მდგომარეობა სტაბილურია", – აცხადებენ სამედიცინო დაწესებულებაში.

შეგახსენებთ, რომ შემთხვევა აბასთუმანში 1–ელ სექტემბერს დღის საათებში მოხდა.ადგილობრივების განმარტებით, ორ ახალგაზრდა მამაკაცს შელაპარაკება მოუვიდა, რის შემდეგაც ერთმა მათგანმა მეორე დანით დაჭრა.

შსს–ს ინფორმაციით, სამართალდამცველებმა ბრალდებული ცხელ კვალზე, მომხდარიდან დაახლოებით ერთ საათში დააკავეს.

მომხდარზე ძიება სისხლის სამართლის კოდექსის 19-108-ე მუხლითაა დაწყებული, რაც განზრახ მკვლელობის მცდელობას გულისხმობს.

[თინათინ ზაზაძე,ახალციხე]