გარყვნილ ქმედებაში ბარლდებულს 6 წლით თავისუფლების აღკვეთა მიესაჯა

გადაწყვეტილება ახალციხის რაიონული სასამართლოს მოსამართლემ გოჩა ჯეირანაშვილმა გამოიტანა. მსჯავრდებულმა ბრალი აღიარა, დაცვის მხარემ კი ყველა მტკიცებულება უდავო გახადა, შესაბამისად პროცესზე მოწმეები აღარ დაკითხულან.

შუახნის მამაკაცს თავისუფლების აღკვეთა 6 წლით სისხლის სამართლის კოდექსის 18–141–მუხლით გათვალისწინებული დანაშაულის ჩადენისთვის მიესაჯა. რაც წინასწარი შეცნობით თექვსმეტი წლის ასაკს მიუღწეველთან ძალადობის გარეშე გარყვნილი ქმედების მომზადებას გულისხმობს, სასჯელს კი 5–დან 7 წლამდე ითვალისწინებს.

შეგახსენებთ, რომ შუახნის მამაკაცი 13–14 წლის ბიჭებს ახალციხეში სქესობრივ კონტაქტს ფულის სანაცვლოდ სთავაზობდა. მომხდარის შესახებ პოლიციას ერთ–ერთის მშობლემა აცნობა. საქმეზე ძიება სისხლის სამართლის კოდექსის 141–მუხლით დაიწყო. თუმცა მოგვიანებით პროკურატურამ საქმე გადააკვალიფიცირა. სახლემწიფო ბრალდება მას სისხლის სამართლის კოდექსის 18-140-ე მუხლით (ხუთი ეპიზოდი) გათვალისწინებული დანაშაულის ჩადენისთვის ედავებოდა. აღნიშნული მუხლი სქესობრივ კავშირს, ან სექსუალური ხასიათის სხვაგვარ მოქმედებას თექვსმეტი წლის ასაკს მიუღწეველთან გულისხმობს; მუხლი თავისუფლების აღკვეთას 7–დან 9–წლამდე ითვალისინებს.

საბოლოოდ, სასამართლო პროცესზე 18–140–ე მუხლი ისევ გადაკვალიფიცირდა და ბრალი მამაკაცს 18–141–ე მუხლით დაუდგინდა.

[თამუნა უჩიძე, ახალციხე]