გარყვნილ ქმედებაში ბრალდებულთან, შესაძლოა, საპროცესო გაფორმდეს

უცხო ქვეყნის მოქალაქემ, რომელსაც ბრალი სისხლის სამართლის კოდექსის 141–მუხლით ედება, რაც წინასწარი შეცნობით თექვსმეტი წლის ასაკს მიუღწეველთან ძალადობის გარეშე გარყვნილ ქმედებას გულისხმობს, პროკურატურას საპროცესო გარიგების თხოვნით მიმართა.

ბრალდებულის საქმეზე წინა სასამართლო სხდომა უკვე გაიმართა, თუმცა იმის გამო რომ საქმე არასრუწლოვნებს ეხებათ, დაიხურა. პროცესზე დაცვის მხარეს ბრალდების მხარის მტკიცებულებები სადავო არ გაუხდია. ამავე სხდომაზე აღკვეთის ღონისძიების საკითხიც განიხილეს და ბრალდებული კვლავ პატიმრობაში დარჩა.

მომავალი სხდომა 10 ივლისს უნდა გაიმართოს. მორიგების შემთხვევაში ამ დღეს სასამართლო საპროცესო გარიგებას დაამტკიცებს, წინააღმდეგ შემთხვევაში საქმის არსებითი განხილვა დაიწყება.

შეგახსენებთ, რომ უცხო ქვეყნის მოქალაქე, 13–14 წლის ბიჭებს ახალციხეში სქესობრივ კონტაქტს ფულის სანაცვლოდ სთავაზობდა. მომხდარის შესახებ პოლიციას ერთ–ერთის მშობლემა აცნობა.

[თამუნა უჩიძე, ახალციხე]