გარყვნილ ქმედებაში ბრალდებულის საქმის არსებითი განხილვა დაიწყო

ახალციხის რაიონულ სასამართლოში პროცესი 12:00 საათზე დაიწყო. რადგან საქმეში არასრულწოვნები ფიგურირებენ, სხდომა დახურული იყო. ამიტომ მხარეებიც სხდომის დასრულების შემდეგ მოკლე კომენტარებით შემოიფრაგლნენ.

„ჩემი დაცვის ქვეშ მყოფის ინტერესებიდან გამომდინარე ვერაფერს გეტყვით, უფლება არ მაქვს“, – ამბობს ბრალდებულის ადვოკატი კახა ასპანიძე.

პროკურორის მამუკა ქომოშვილის განცხადებით, დღევანდელ სხდომაზე მხარეებმა შესავალი სიტყვები წაიკითხეს: „დეტალებს საქმიდან გამომდინარე ვერ გავამჟღავნებთ“.

როდის გაიმართება შემდეგი სხდომა უცნობია. მხარეების განმარტებით მომავალი პროცესის თარიღი, რომელზეც უკვე მოწმეები დაიკითხებიან, მოგვიანებით დადგინდება.

შეგახსენებთ, რომ შუახნის მამაკაცი 13–14 წლის ბიჭებს ახალციხეში სქესობრივ კონტაქტს ფულის სანაცვლოდ სთავაზობდა. მომხდარის შესახებ პოლიციას ერთ–ერთის მშობლემა აცნობა. საქმეზე ძიება სისხლის სამართლის კოდექსის 141–მუხლით დაიწყო, რაც წინასწარი შეცნობით თექვსმეტი წლის ასაკს მიუღწეველთან ძალადობის გარეშე გარყვნილ ქმედებას გულისხმობს. თუმცა მოგვიანებით პროკურატურამ საქმე გადააკვალიფიცირა. ამჟამად შაუხნის მამაკაცს ბრალი სისხლის სამართლის კოდექსის 18-140-ე მუხლით (ხუთი ეპიზოდი) გათვალისწინებული დანაშაულის ჩადენისთვის ედება. აღნიშნული მუხლი სქესობრივ კავშირს, ან სექსუალური ხასიათის სხვაგვარ მოქმედებას თექვსმეტი წლის ასაკს მიუღწეველთან გულისხმობს; მუხლი თავისუფლების აღკვეთას 7–დან 9–წლამდე ითვალისინებს.

ბრალდებული საპროცესო შეთანხმების გაფორმებას ითხოვდა, თუმცა პროკურატურამ უარი განაცხადა.

[ლუბა გიორგაძე, ახალციხე]