ახალციხეში თანამედროვე რუსეთის შესახებ წიგნის პრეზენტაცია გაიმართა

ახალციხის ცენტრალურ ბიბლიოთეკაში, არასამთავრობო ორგანიზაცია „რადარამის“ ორგანიზებით, უკრაინელი ჟურნალისტის პიტერ პომერანცევის წიგნის პრეზენტაცია გაიმართა.

უკრაინელი ჟურნალისტი წიგნში ასახავს, თუ როგორ ვრცელდება რუსული მედიით რუსული პროპაგანდა, როგორც რუსეთში, ისე მის ფარგლებს გარეთ. წიგნის სახლეწოდებაც სწორედ აქედან მოდის: „არაფერია ნამდვილი და ყველაფერი შესაძლებელია: მოგზაურობა თანამედროვე რუსეთში“.

პრეზენტაციის ორგანიზატორების თქმით, ჟურნალისტი წიგნზე ცხრა წლის განმავლობაში მუშაობდა.

„უკრაინელი ჟურნალისტი ცხრა წელი აკვირდებოდა რუსულ მედიას თუ როგორ ავრცელებდა ის რუსულ პროპაგანდას, დეტალები კი წიგნში აღბეჭდა. ქართულად ჩვენ ვთარგმნეთ და ახლა უკვე მისი წაკითხვა ქარველ მკითხველსაც შეუძლია“, – ამბობს არასამთავრობო ორგანიზაცია „რადარამის“ პროექტების მენეჯერი მაია მესტუმრე.

წიგნის პრეზენტაცია საქართველოს რეგიონებში, დაახლოებით 15 ქალაქში უკვე გაიმართა. ახალციხის შემდეგ კი ორგანიზატორები უკრაინელი ჟურნალისტის ნამუშევარის გაცნობას რაჭისა და სვანეთის მოასახლეობისთვის გეგმავენ.

წიგნის პრეზენტაცია რეგიონებში, დასავლეთ–აღმოსავლეთ მართვის ინსტიტუტის დახმარებით, პროექტ „აქსესი“ ფარგლებში ტარდება.

არასამთავრობო ორგანიზაცია „რადარამი“ 2012 წლიდან არსებობს და მათი მიზანია თარგმნონ და გამოსცენ არამხატვრულ ლიტერეატურა, თანამედროვე ბესცელერები, რომლებიც ძირითადად გლობალურ საკითხებზეა. უკრაინელი ჟურნალისტის წიგნი „არაფერია ნამდვილი და ყველაფერი შესაძლებელია:მოგზაურობა თანამედროვე რუსეთში“, უკვე მეთვრამეტე თარგმანია.



[ლუბა გიორგაძე, ახალციხე]