ახალციხის ბიბლიოთეკაში წიგნის საჯაროდ კითხვის მსოფლიო დღე აღნიშნეს

„წიგნის მაღაზიაში ვმუშაობ და ვხედავ რომ უფრო და უფრო მეტი ბავშვია დაინტერესებული წიგნით, ამიტომ უნდა ვეცადოთ, რაც შეიძლება მრავალფეროვანი ლიტერატურა შევთავაზოთ, განსაკუთრებით ახალგაზრდებს, რომ მათ მომავალშიც გააგრძელონ კითხვა“ - ამბობს ღონისძიების ერთ-ერთი მონაწილე, მარიამ ხალაძე.

ახალციხის ცენტრალური ბიბლიოთეკის მენეჯერი, ლილი აჩელაშვილი ამბობს, რომ დღევანდელ დღეს განსაკუთრებულ აქცენტი თანამედროვე ქართულ ლიტერატურაზე გაკეთდა.

„ტექნიკური რევოლუციის პირობებში, განსაკუთრების მნიშვნელოვანია ახალგაზრდები წიგნთან დავაახლოვოთ, რადგან წიგნს ვერაფერი შეცვლის, სწორედ ეს იყო დღევანდელი ღონისძიების მთავარი მიზანი. ვეცადეთ დამსწრეებისთვის გაგვეცნო თანამედროვე ქართული ლიტერატურა. ბევრი მწერალი გვყავს ისეთი, რომელსაც უფრო მეტი მკითხველი უნდა ჰყავდეს ჩვენს საზოგადოებაში. ამისთვის მოვაწყვეთ გამოფენაც, სადაც ბევრი ახალი და საინტერესო ავტორის ლიტერატურაც იყო“, - ამბობს ლილი აჩელაშვილი.

წიგნის საჯაროდ კითხვის საერთაშორისო დღეს, რომელიც ყოველწლიურად მსოფლიოს 100-ე მეტ ქვეყანაში აღინიშნება, საქართველო 2015 წელს შეუერთდა.





[რობი ზარიძე, ახალციხე]