ნიაზ ბოლქვაძის წიგნის პრეზენტაცია ახალციხეში

პრეზენტაცია დღეს, 28 ნოემბერს, სამცხე–ჯავახეთის სახელმწიფო უნივერსიტეტში გამართა.

შეხვედრის დასაწყისში წიგნი სამცხე–ჯავახეთის უნივერსიტეტის ასოცირებულმა პროფესორმა მაკა კაჭკაიშვილმა მიმოიხილა: „წიგნი ეხება იმ პრობლემებს, რაც დღეს, გლობალიზაციის პერიოდში, თანამედროვეობას აწუხებს. საქართველოში, სამწუხაროდ, აქტუალურია გახდა ისეთი საკითხები, როგორიცა ტერორიზმი და რელიგიური დაპირისპირებები. ავტორი ამ პრობლემების გადაწყვეტის საკუთარ გზებს გვთავაზობს, რაც საბოლოოდ ეფუძნება ადამიანის აზროვნების ცვლილებას. შეცვლილი აზროვნებით ადამიანი ხდება მთავრი გარანტი გლობალიზაციის პროცესში მსოფლიოში მშვიდობის დამყარების“.

წიგნის შესახებ სტუდენტებს თავად ავტორი, „აჭარის მამულიშვილთა კავშირის“ თავმჯდომარე, მწერალი, ფილოსოფოსი, ნიაზ ბოლქვაძეც ესაუბრა. ავტორი ამბობს, რომ წიგნში გადმოცემულია რელიგიათა შორის დაპირისპირებები, რომლებიც საუკუნეების განმავლობაში გრძელდება: „ეს თემა საკმაოდ მტკივნეულია. დაპირისპირებები საუკუნეების მანძილზე გრძელდება და დასასრული არ უჩანს. დიდი დრო მოვანდომე ამ საკიხთის შესწავლას. ვფიქრობ, რომ საფუძვლიანი და ლოგიკური მსჯელობებით წარმოვადგინე, რომ რელიგიათა შორის დაპირისპირებების არავითარი საბაბი და მიზეზი არ არსებობს“.

ნიაზ ბოლქვაძის წიგნი უნივერსიტეტმა ერთი თვის წინ მიიღო, თუმცა პრეზენტაცია დღეს შედგა. წიგნი „აზროვნების ეკოლოგია კაცობრიობის ხსნის მთავარი საშუალება“ მწერლის მერვე ნამუშევარია. იგი მასზე 12 წლის განმავლობაში მუშაობდა. წიგნი ნათაგმნია რუსულ და ინგლისურ ენებზე.






[მარიამ ბარძიმაძე, ახალციხე]