კულტურის სამინისტროში რაბათის თემაზე მრგვალი მაგიდა დაიწყო

მრგვალ მაგიდას საქართველოს კულტურისა და ძეგლთა დაცვის მინისტრი გურამ ოდიშარია, მინისტრის პირველი მოადგილე მარინე მიზანდარი, მინისტრის მოადგილეები, "ნაციონალური მოძრაობის" გენერალური მდივანი ივანე მერაბიშვილი და ექსპერტები ესწრებიან.

საქართველოს კულტურის მინისტრის გურამ ოდიშარიას განცხადებით, ეს მეცხრე მრგვალი მაგიდაა, რომელიც სამინისტროში იმართება სხვადასხვა აქტუალურ საკითხზე: ”რაბათი ეს არ არის არცერთი ადამიანის ან ადამიანთა ჯგუფის საკუთრება, თვითეული ჩვენთაგანის, საქართველოს თითოეული მოქალაქის საკუთრებაა და დარწმუნებული ვარ დღევანდელი მრგვალი მაგიდა ჩატარდება ისეთი სულისკვეთებით, როგორ სხვა მრგვალი მაგიდები”.

თითოეული გამომსვლელისთვის რეგლამეტი 5 წუთი განისაზღვრა.

შეგახსენებთ, რომ საქართველოს კულტურის სამინისტრო ახალციხის ისტორიულ უბანში, რაბათში, ახალციხის ციხის ტერიტორიაზე სამუშაობის ჩატარებას და რეაბლიტაცისას დაშვებული ხარვეზების გამოსწორებას გეგმავს.

[sknews.ge]