ახალციხეს კულტურის მინისტრი სტუმრობს

მინისტრს ახალციხის მუნიციპალიტეტის გამგებელმა ბესიკ ხითარიშვილმა უმანსპინძლა.

გურამ ოდიშარიამ პირველი შეხვედრა ახალციხისა და ტაო-კლარჯეთის მიტროპოლიტის მეუფე თეოდორეს რეზიდენციაში გამართა. მოგვიანებით, მუნიციპალიტეტის გამგეობის შენობაში გადაინაცვლა და მესხეთის კათოლიკური ტაძრის წინამძღვარს მამა ზურაბ კაკაჩიშვილს ესაუბრა. შეხვედრა ჟურნალისტებისთვის დახურულ კარს მიღმა გაიმართა.

მინისტრის განცხადებით, დანიშვნიდან რეგიონებში ეს მისი მეორე ვიზიტია.

”პირველი ვიზიტი მქონდა სვანეთში და მეორე აუცილებლად აქეთ უნდა წამოვსულიყავი, იმიტომ, რომ ძალიან მდიდარი კუთხეა ძეგლებით. ვიზიტის მიზანი არის გაცნობითი, ვსწავლობთ ვითარებას, გვინდა მოვინახულოთ ძეგლები და ვესტუმროთ მესხეთის თეატრს”, - განაცხადა ოდიშარიამ.

შეხვედრების შემდეგ მინისტრმა ახალციხის ციხე მოინახულა.

[ნინო ნარიმანიშვილი, ახალციხე]