‘მშვიდობის მშენებლობის პროცესში’ ახალგაზრდების როლზე მრგვალ მაგიდასთან ისაუბრებენ

შეხვედრა იმართება პროექტის ფარგლებში, რომლის სახელწოდებაა „ახალგაზრდები მშვიდობისათვის სამხრეთ კავკასიაში“.

„შეხვედრის ფარგლებში მოწვეული ექსპერტები ისაუბრებენ არსებულ სამშვიდობო მექანიზმებზე და გამოწვევებზე. ძალიან მნიშვნელოვანია ადგილობრივი ორგანიზაციების გამოცდილების გაზიარება“, – ნათქვამია შეხვედრის შესახებ გავრცელებულ პრესრელიზში.

პროექტი „სამშვიდობო ბანაკები სამხრეთ კავკასიაში“ 2015-2017 წლებში, ხორციელდება საპატრიარქოს საქველმოქმედო ფონდის „ლაზარე“, „მშვიდობისა და რეინტეგრაციის რეგიონალური ქსელის“, სომხური ორგანიზაცია „სიუნიკისა“ და აზერბაიჯანელ ქალთა ასოციაციის მიერ.

პროექტის მიზანია სამხრეთ კავკასიაში მშვიდობის მშენებლობის ხელშეწყობა. პროექტის იდეას წარმოადგენს ტოლერანტობის გაღვივება, როგორც სამხრეთ კავკასიის ქვეყნებში, ასევე ამ ქვეყნებს შორის. პროექტის ფარგლებში მოეწყობა გაცვლითი ბანაკები, ბანაკებს შორის აქტივობები, ასევე საქართველოს ტერიტორიაზე საგანმანათლებლო დაწესებულებებში სტუდენტებთან დისკუსია-სემინარები და მრგვალი მაგიდები.

[sknews.ge]