ახალციხეში მულტიეთნიკური კულტურის ფესტივალი გაიმართება

„ახალციხის ციხეზე“ ფოკლორული კონცერტი 14:00 საათზე დაიწყება. მასში მონაწილეობას საქართველოს სხვადასხვა კუთხიდან ეთნიკური უმცირესობების ფოკლორული კოლექტივები მიიღებენ. ფესტივალი ახალგაზრდების მონაწილეობით გაიმართება.

ღონისძიების ორგანიზატორები არიან: შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი, კულტურისა და ძეგლთა დაცვის სამინისტრო, საქართველოს სპორტისა და ახალგაზრდობის საქმეთა სამინისტრო, საქართველოს კომპოზიტორთა კავშირის ქვემო ქართლის რეგიონალური განყოფილება და საქართველოს გაეროს ასოციაცია.

კონცერტის ავტორი და ორგანიზატორია, კომპოზიტორი მანანა ალფაიძე, საქართველოს კომპოზიტორთა კავშირის ქვემო ქართლის რეგიონალური განყოფილების თავჯდომარე.

ღონისძიებას დაესწრებიან შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის, კულტურისა და ძეგლთა დაცვის სამინისტროს, საქართველოს სპორტისა და ახალგაზრდობის საქმეთა სამინისტროს, საქართველოს გაეროს ასოციაციის, ადგილობრივი სამთავრობო და სამოქალაქო საზოგადიების წარმომადგენლები.

ფესტივალს საფუძველი 2008 წელს ჩაეყარა და მას შემდეგ ყოველ წელს იმართება.

[sknews.ge]