ნარკოპოლიტიკა – დისკუსია ახალციხეში

დისკუსია ახალციხის დემოკრატიული ჩართულობის ცენტრში, ცენტრის ინიციატივით მოეწყო. შეხვედრის მიზანი იყო ნარკომანიასთან დაკავშირებით ახალგზარდების სამართლებრივი ინფორმირება. ახალგაზრდებს იურიდიული დახმარების ბიუროს ხელმძღვანელი დავით ზარიძე ესაუბრა.

მისი განმარტებით, 2016 წლის მონაცემების მიხედვით, ნარკოტიკებზე დამოკიდებულება, როგორც დანაშაული, მეორე ადგილზეა. ზარიძე მიიჩნევს, რომ ნარკოტიკებზე დამოკიდებულება დაავადებაა და იგი დანაშაულად არ უნდა ითვლებოდეს: „საზოგადოების ერთი ნაწილი თვლის, რომ ნარკოტიკებზე დამოკიდებულება დანაშაულია და ეს ადამიანები უნდა დაისაჯონ, რაც არასწორი მიდგომაა. უნდა ხდებოდეს მკურნალობა სპეციალურ დაწესებულებებში“.

შეხვედრა, ნარკოტიკებთან ბრძოლის საერთაშორისო დღეს მიეძღვნა, რომელიც გაეროს გენერალური ასამბლეის გადაწყვეტილებით 1987 წელს დააწესდა და ყოველი წლის 26 ივნისს აღინიშნება.



[ლუბა გიორგაძე, ახალციხე]