ახალციხეში ნარკოპოლიტიკაზე იმსჯელეს

დისკურია, თემაზე ,,პოლიტიკური პარტიების დამოკიდებულება ქვეყანაში არსებული ნარკოპოლიტიკის მიმართ“ ახალციხის დემოკრატიული ჩართულობის ცენტრში გაიმართა. მას ,,ახალგაზრდა იურისტთა ასოციაციის“ სამცხე–ჯავახეთის კოორდინატორი ქეთევან ბებიაშვილი გაუძღვა.

„პოლიტიკურმა პარტიებმა ყურადღება უნდა გაამახვილონ იმაზე, რომ ქეყანაში სახელმწიფო დონეზე ნაკომანიის წინააღმდეგ ბრძოლის პოლიტიკა არ არსებობს. ამ მიმართულებით ბევრი პრობლემაა საკანონმდებლო დონეზეც“, – ამბობს „ახალგაზრდა იურისტთა ასოციაციის“ სამცხე–ჯავახეთის კოორდინატორი ქეთევან ბებიაშვილი.

დისკუსიის განმავლობაში მონაწილეებმა ყურადღება გაამახვილეს ნარკოტიკული ნივთიერებების მოხმარებაზე, მარიხუანას ლეგალიზაციასა და დეკრიმინალიზაციაზე.

სამცხე–ჯავახეთის მასშტაბით, ნარკოტიკული საშუალებების მომხმარებელთა ასაკი ძირითადად 26–დან 42 წელია.

„სტატისტიკური მაჩვენებლის მიხედვით, სხვა რეგიონებისგან განსხვავებით, აქ ნარკოტოკული საშუალებების მოხმარება შედარებით ნაკლებია. ძირითადად მარიხუანას მოხმარების შემთხვევები ფიქსირდება და ის ხშირ შემთხვევაში დამსვენებლებს მაგალთად აბასთუმანში ან ბორჯომში ჩამოაქვთ“, – ამბობს ექსპერტ–ნარკოლოგი ნანა გოგოლაძე და ამატებს, რომ ბოლო პერიოდში მარიხუანას მოხმარება თითქმის მინიმუმზე დავიდა – პირადად მე, ლეგალიზაციის კატეგორიული წინააღმდეგი ვარ, დეკრიმინალიზაცია შეიძლება, თუმცა მხოლოდ მარიხუანის“.

1912 წელს, ჰააგის დეკლარაციაში, საერთაშორისო საზოგადოებამ ნარკოტიკებით ვაჭრობის წინააღმდეგ პროტესტი გამოხატა, სადაც ნარკოტიკების წარმოება და გავრცელება დასაშვებად მხოლოდ სამედიცინო სფეროში და სამკურნალო მიზნებისთვის იყო მიჩნეული.

1987 წლიდან 26 ივნისი გაერთიანებული ერების გენერალური ასამბლეის მიერ ნარკოტიკული საშუალებების მოხმარებისა და უკანონო გავრცელების წინააღმდეგ ბრძოლის საერთაშორისო დღედ გამცხადდა და ყოველწლიურად აღინიშნება.



[თაკო ფეიქრიშვილი, ახალციხე]