”კომპიუტერული თამაშები და მოზარდები”

”კომპიუტერული თამაშებისა და მოზარდების” თემაზე სამოქალაქო კლუბის წევრმა ნიკოლოზ მექოშვილმა ისაუბრა. მან მეგობრებს პრეზენტაცია წარუდგინა და მათ შეკითხვებსაც უპასუხა. სამოქალაქო კლუბის წევრებმა იმსჯელეს რა ზიანის მოტანა შეუძლია კომპიტერულ თამაშებს და რითი უნდა ჩავანაცვლოთ ის.

ნიკოლოზ მექოშვილს კომპიტერულ თამაშებზე საკუთარი ბლოგიც აქვს. სადაც კომპიუტერული თამაშების მავნებლობაზე წერს. თუმცა, ხანდახან თავადაც თამაშობს.

”ახალციხის ახალგაზრდული ცენტრის” დირექტორის მაკა სუდაძის თქმით, მსგავსი შეხვდრების მიზანი მხოლოდ ინფორმაციის მიწოდება არ არის: ”ჩვენთვის მთავარია, კონკრეტული პრობლემიდან გამოსავალი მოვძებნოთ”.

შეხვედრის მეორე ნაწილში ახალგაზრდულმა ცენტრმა ბლოგერების კონკურსში გამარჯვებულები დააჯილდოვა. კონკურსი ”სამოქალაქო განათლებისა და პედაგოგთა გადამზადების” პროექტის ფარგლებში დაახლოებით ერთი თვის წინ ჩატარდა. კონკურსში გამარჯვებულები, რომლებმა პირველი ადგილი მიიღეს თბილისში დააჯილდოვეს.

”დღეს ჩვენ მეორე და მესამე ადგილზე გასული მონაწილეები დავაჯილდოვეთ. აღნიშნულ კონკურსზე მონაწილეებს ბლოგი სხვადასხვა თემატიკაზე უნდა გაეკეთებინათ, საკმაოდ მაღალი კონკურენცია იყო, თუმცა სამცხე-ჯავახეთს ყველაზე მეტი გამარჯვებული ჰყავს. ისინი სერთიფიკატებითა და სამახსოვრო საჩუქრებით დაჯილდოვდნენ”, - ამბობს მაკა სუდაძე.

[ნინო ზედგინიძე, ახალციხე]