”მიწა, რომელსაც ბოლაჯურის მოსახლეობა ითხოვს სამინისტროს საკუთრებაა”

-"შარშან მოსახლობას რომ შევხვდით, ბევრს მოსწონდა ნაკვეთის იდეა, რადგან დასაქმდნენ და დამატებით შემოსავლის წყარო გაუჩნდათ. ახლა თუ ხელმოწერებს აგროვებენ ვერ გეტყვით, ეს მთავრობის გადასაწყვეტია",- აცხადებს ადიგენის მუნიციპალიტეტის გამგებელი სიმონ პარუნაშვილი.

მისივე თქმით, როგორც მისთვის ცნობილია "სოფლის მეურნეობის კორპორაციის" ხელმძღვანელობა მოსახლეობას მოყვანილი პრუდუქტის უფასოდ დარიგებას არ დაჰპირებია.

-"როგორც ვიცი, მოყვანილი პროდუქტი მოსახლეობისთვის შეღავათიან ფასად უნდა მიეყიდათ. ჩემი ინფორმაციით, წიწაკა გაიყიდა შედარებით დაბალ ფასად. რაც შეეხება სათესლე კარტოფილს, ეს უნდა კითხოთ კორპორაციას. შემდეგ შეიცვალა მთავრობა, მოვიდა ახალი ხელმძღვანელობა და ახლა რა ხდება ვერ გეტყვით", - ამბობს გამგებელი.

სოფლის ტერიტორიული ორგანოს რწმუნებული ნოდარ ობოლაძე ფიქრობს, რომ მოსახლოების მოთხოვნა უსაფუძვლოა, იმ მარტივი მიზეზის გამო, რომ მიწა სოფლის მეურნეობის სამინისტროს საკუთრებაა.

"სოფელში გამოჩნდა რამდენიმე მოთავე კაცი და ამბობენ მიწა უნდა დავიბრუნოთო. ეს სოფლის მიწა არ არის და შესაბამისად, მათი მოთხოვნა უშედეგოა", - ამბობს იგი.

[თინათინ ზაზაძე, ადიგენი]