ადიგენში ორი სოფლის დამაკავშირებელ გზაზე მიწა ჩამოიშალა

ადიგენის მუნიციპალიტეტის გამგებლის მოადგილის მინდია ჯელიას განმარტებით, შემთხვევის ადგილი დასახლებულ პუნტქთან ახლოს არ არის და საფრთხეს არავისთვის წარმოადგენს.

მისივე თქმით, ადგილზე მაშინვე გავიდა გამწმენდი ტექნიკა და გზაზე მოძრაობა უკვე აღდგენილია: „ძალიან მცირე ადგილზე და თან უმნიშვნელო შეფერხება იყო'.
"ახლა ვარ არზნეში, გზა გაწმენდილია, არაფერი არ არის", – გვითხრა ასევე გამგებლის მოადგილემ არსენ ბალახაშვილმა, რომელმაც მომხდარის შესახებ ჩვენგან შეიტყო.

"სამხრეთის კარიბჭე" ესაუბრა ადიგენის მუნიციპალიტეტის საკრებულოს უმცირესობის წევრ თემურ ფეიქრიშვილსაც. მისი განცხადებით, მიწის მასა გზის ნაწილზე იყო ჩამოშლილი. ამ წუთებში ადგილზე იმყოფებიან გამგეობის თანამშრომლები.

"სამხრეთის კარიბჭე" დაუკავშირდა არზნეში მცხოვრებ ერთ–ერთ ადგილობრივსაც. მისი განცხადებით, სოფელში მომხდარის შესახებ არაფერი იციან. მისივე თქმით, არზნესა და მის შემოგარენში ახლაც ძლიერი წვიმაა.

მინდია ჯელია ამბობს, რომ გზაზე მიწის კვლავ ჩამოშლის საფრთხე აღარ არსებობს.

[თინათინ ზაზაძე, ადიგენი]