ბოლაჯურის მოსახლეობას ”ოცნების”დახმარების იმედი აქვს

”სოფლის მეურნეობის კორპორაციამ” ნაკვეთი მიმდინარე წლის თებერვალში სახელმწიფო ორგანიზაცია შპს ”ქართულ მწვანილს” გადასცა. ხელმძღვანელობა წინააღმდეგი არ არის, რომ მიწა მოსახლოებას დაუბრუნოს, თუმცა არის საკითხები, რაზეც უნდა შევთანხმდეთ და ამიტომ, სანამ მოსახლოებას არ შევხვდები, დეტალებზე ვერ გესაუბრებით“, - გვითხრა ლობჯანიძემ.



ბოლაჯურში მცხოვრები გელა ჩხიტუნიძე ”სოფლის მეურნეობის კორპორაციას” მიწების დაბრუნების გარდა, მიყენებული ზარალის ანაზღაურებას სთხოვს.

ჩხიტუნიძე ამბობს, რომ სადემონსტრაციო ნაკვეთზე სარწყავი სისტემის გაყვანის დროს, მისი ნაკვეთი დაზიანდა. კორპორაცია ზარალის ანაზღაურებას შეპირდა, თუმცა თანხა ამ დრომდე არ მიუღია.

ჩხიტუნიძის მსგავსად, კომპენსაციის მოლოდინში კიდევ ოთხი ოჯახია.

”200 ლარის ზარალი იყო, საქართველოს ბანკიდან კარტა ამაღებინეს, გვითხრეს ზარალს აგინაზღაურებთო, მაგრამ დღემდე არავის ჩაურიცხავს. მენეჯერმა კახა ქიმაძემ მითხრა, ყველა საბუთი გააკეთე და კომპენსაციას მიიღებო. კომისიაც იყო და შეამოწმა დაზიანებული ნაკვეთები, მაგრამ მაინც არ გვაძლევენ ფულს”,-ამბობს იგი.

დაზარალებულებმა მუნიციპალიტეტის გამგეობას ამ საკითხის მოგვარებაც სთხოვეს. თუმცა, როგორც გამგეობაში განუმარტეს, ამ პრობლემის მოგვარება მათ მოვალეობებში არ შედის და კორპორაციის ხელმძღვანელობას უნდა მიმართონ.

კომპენსაციების თაობაზე ლევან ლობჯანიძემ ”სამხრეთის კარიბჭესგან” შეიტყო. იგი ამბობს, რომ კორპორაციას ამ საკითხზეც დაელაპარაკება.

[თინათინ ზაზაძე, ადიგენი]