პარლამენტი საკონტიტუციო ცვლილებების პროექტის განხილვებს იწყებს

აღნიშნულის შესახებ პარლამენტის თავმჯდომარე ირაკლი კობახიძემ ბრიფინგზე განაცხადა.

მისი თქმით, საკონსტიტუციო პროექტის საყოველთაო-სახალხო განხილვა, რომელიც ერთი თვის განმავლობაში მიმდინარეობდა, დასრულდა.

” დღეიდან პარასკევის ჩათვლით, ჩატარდება საკომიტეტო მოსმენები. ამის შემდეგ დაიწყება განხილვა პლენარულ ფორმატში. ჩვენ გვინდონდა, რომ შემდეგ სესიებზე ჩაგვეტარებინა განხილვები ანუ 12-26 ივნისის კვირაში, თუმცა ვენეციის კომისიის პლენარული სხდომა ჩაინიშნა 16 ივნისს და მივიღეთ გადაწყვეტილება, დაველოდოთ ვენეციის კომისიის საბოლოო დასკვნას“,–განაცხადა პარლამენტის თავმჯდომარემ.
მისივე თქმით, პარლამენტში რიგგარეშე სხდომის მოწვევა 19 ივნისიდან დაიწყბა.

შეგახსენებთ, რომ საკონსტიტუციო ცვლილებების სახალხო განხილვა ახალციხეში 10 მაისს გაიმართა.

[sknews.ge]