ახალციხეში საკონსტიტუციო ცვლილებების განხილვა დაიწყო

საკონსტიტუციო ცვლილებების სახალხო განხილვა, ახალციხეში 12:00 საათზე დაიწყო. მესხეთის სახელმწიფო თეატრის 500–კაციანი დარბაზი მსმენელებით გავსებულია. განხილვაზე მოსახლეობა რეგიონის სხვადასხვა მუნიციპალიტეტიდანაა ჩამოსული.

დარბაზში ასევე იმყოფებიან პარლამენტის წევრები, ოპოზიციური პარტიების წარმომადგენლები, ექსპერტები და ადგილობრივი თვითმმართველობების საჯარო მოხელეები.

„უპეცენდენტო ჩართულობაა ამ განხილვის პროცესში. დღევანდელ განხილვაში ჩაერთო ოპოზიციაც, რაც ცალსახად დადებითია“, – განმარტა საორგანიზაციო კომისიის ერთ–ერთმა წარმომადგენელმა.

შეგახსენებთ, რომ საკონსტიტუციო ცვლილებების საყოველთაო განხილვა 5 მაისს ქუთაისიდან დაიწყო და 15 მაისს თბილისში დასრულდება.

საქართველოს კონსტიტუციის ცვლილებების პროექტის ახლებურ დებულებების მიხედვით იცვლება პრეზიდენტის არჩევის წესი. არჩევნების შედეგად გაუნაწილებელი მანდატები გამარჯვებულ პარტიას მიკუთვნება. ასევე მნიშვნელოვანი ცვლილებაა საარჩევნო ბლოკების აკრძალვაც.

[თამუნა უჩიძე, ახალციხე]