ახალციხის ციხეს დირექტორი არ ჰყავს

მთავარი → საზოგადოება 26.03.2013

ახალციხის ციხეს ახალი დირექტორი ამ დრომდე არ ჰყავს. ხელმძღვანელის დროებით მოვალეობას, მოადგილე გიორგი ჩერქეზიშვილი ასრულებს.

ააიპ ახალციხის ციხის დირექტორმა ბესიკ ბლიაძემ თანამდებობა პირადი განცხადების საფუძველზე მიმდინარე წლის 11 მარტს დატოვა. ბესიკ ბლიაძე ამჟამად მუნიციპალიტეტის გამგებლის მოვალეობის შემსრულებლია. რომელიც ამ თანამდებობაზე ახალციხის მუნიციპალიტეტის საკრებულომ სწორედ 11 მარტს გამართულ სხდომაზე აირჩია.

საკრებულოს თავმჯდომარის ოლეგ სანდროშვილის განმარტებით ააიპ ახალციხის ციხის დირექტორის თანამდებობაზე დანიშვნა მისი პრეროგატივაა. თუმცა, საკრებულოში ვაკანტურ თანამდებობაზე ჯერ განცხადებები არ შესულა.

ამიტომ, როდის დაინიშნება ახალციხის ციხის დირექტორი მუნიციპალიტეტის საკრებულოში ვერ აკონკრეტებენ.

შეგახსენებთ, რომ მუნიციპალიტეტის გამგებლის თანამდებობაზე ბესიკ ბლიაძის კანდიდატურა სამი თვის წინაც განიხილებოდა. თუმცა, მაშინ გამგებლის მოვალეობის შემსრულებლად საკრებულოს თავმჯდომარემ ბესიკ ხითარიშვილი დაასახელა. ამის შემდგომ კი ბლიაძემ ციხის დირექტორის თანამდებობა დაიკავა.

[თინათინ ზაზაძე, ახალციხე]