ვაჟა ჩიტაშვილი დაზარებული სტუდენტების მშობლებს პარლამენტში წაიყვანს

საპარლამენტო უმცირესობის წევრის მხრიდან ეს პირველი მცდელობა არ იქნება. ვაჟა ჩიტაშვილი ამბობს, რომ სტიქიით დაზარალებული ოჯახების სტუდენტების საკითხი შესაბამის ინსტანციებში რამდენჯერმე დააყენა.

„სტუდენტებთან დაკავშირებით სერიოზულად ვმუშაობ. აღნიშნული საკითხი პარლამენტის სხდომაზეც დავაყენე. ასევე განათლების კომიტეტის თავმჯდომარესა და ადამიანის უფლებათა დაცვის კომიტეტის თავმჯდომარეებსაც მივმართე. მათი დაფინანსების თაობაზე დადგენილება მთავრობამ უნდა მიიღოს, თუმცა როდის მოხდება, არ ვიცი“, - ამბობს იგი.
"
ჩიტაშვილი ამბობს, რომ მომავალ სამშაბათს სტატუსშეჩერებული სტუდენტების მშობლებს ქუთაისში, პარლამენტში წაიყვანს: "ისინი თავის პრობლემაზე თავად ისაუბრებენ და იმედია, გადაიჭრება ეს პრობლემა“.

შეგახსენებთ, სამცხე-ჯავახეთის სახელმწიფო სასწავლო უნივერსიტეტში სტიქიით დაზარალებულ 10 სტუდენტს სახელმწიფომ სწავლის საფასური აღარ გადაუხადა, რის გამოც მათ სტუდენტის სტატუსი შეუჩერდათ და შესაძლოა შეუწყდეთ კიდეც. რეგიონის მასშტაბით კი ასეთი 32 სტუდენტია.



[ნინო ზედგინიძე, ახალციხე]